2018 оны 11 дүгээр сарын 01-ний өдрөөс Улсын бүртгэлийн багц хууль хэрэгжиж эхэлсэнтэй холбогдуулан 30 гаруй дүрэм, журам батлагдсан.
Эдгээр дүрэм, журмын талаар мэдлэг, мэдээлэл олгохын зэрэгцээ, цахим үйлчилгээний үр дүнг сайжруулах, төрийн үйлчилгээг иргэдэд хөнгөн шуурхай хүргэх, төрийн албан хаагчийн ёс зүй, харилцааны соёлыг дээшлүүлэх зэрэг асуудлуудаар Нийслэлийн улсын бүртгэлийн байгууллагын нийт албан хаагчдад зориулсан сургалтыг 2019 оны 04 дүгээр сарын 06-ны өдөр Азийн хөгжлийн банкны техникийн туслалцааны хүрээнд хэрэгжүүлж байгаа “Нийгмийн үйлчилгээний хүртээмжийг сайжруулах зорилгоор бүртгэлийн системийг боловсронгуй болгох” төслийн дэмжлэгтэйгээр амжилттай зохион байгууллаа.Тус сургалтад Нийслэлийн үйлчилгээний нэгдсэн төвүүд болон 9 дүүргийн 360 гаруй албан хаагчид хамрагдлаа
