Улсын бүртгэлийн байгууллагын бичиг хэргийн ажилтнуудад зориулсан цахим сургалтыг өнөөдөр /2020.04.17/ УБЕГ-ын Тамгын газраас зохион байгууллаа. Аймаг, нийслэл, дүүрэг дэх газар, хэлтсийн мэргэжилтнүүдийг мэргэшүүлэх, байгууллагын архив, албан хэрэг хөтлөлтийг боловсронгуй болгох, үүнд мөрдөгдөх дүрэм, журмыг хэрэгжүүлэхэд гарч буй хүндрэл, цаашид анхаарах асуудал, мөн зөвлөмж, чиглэл өгөх зорилгоор уг сургалтыг зохион байгуулав.
Сургалтыг Тамгын газрын Захиргаа, эрх зүйн хэлтсийн бичиг хэргийн эрхлэгч Д.Сосорбарам удирдан явуулж, албан хэрэг хөтлөлтийн Able программ дээр ирсэн/явсан бичиг баримтыг бүртгэхэд анхаарах асуудал, мөн программын хэрэглээнд шинээр гарсан өөрчлөлтүүдийг танилцууллаа. Тэрбээр, ирэх тавдугаар сард “Архивын баримт бичгийн хөтлөлт, анхаарах асуудал” сэдвийн хүрээнд сургалт дахин зохион байгуулах төлөвтэй буйгаа дуулгаж байв.
Албан хэрэг хөтлөлтийн Able программ нь ашиглахад хялбар, хайлтын систем нь боловсронгуй төдийгүй цаасан бус цахим хэлбэрээр архивын сан бүрдэхэд чухал ач холбогдолтой аж.
