Аймаг, нийслэл, сум, дүүргийн иргэдийн Төлөөлөгчдийн Хурлын сонгуулийн тухай хуулийг хэрэгжүүлэх үйл ажиллагааны хүрээнд Сонгуулийн ерөнхий хороо, Тагнуулын ерөнхий газар, Улсын бүртгэлийн ерөнхий газар, Үндэсний дата төв, улс төрийн нам болон төрийн бус байгууллагуудын төлөөллийг оролцуулсан ажлын хэсгийн ээлжит хуралдаан өнөөдөр /2020.09.22/ болж, ирэх 10 дугаар сарын 15-ны өдөр зохион байгуулагдах орон нутгийн Хурлын сонгуулийн бэлтгэл ажлын зарим асуудлыг хэлэлцлээ.
.jpg)
Тодруулбал, сонгогчдын нэгдсэн мэдээллийн санг нэгжийн буюу сонгуулийн хэсгийн хорооны тоног төхөөрөмжид суулгах, баталгаажуулах болон түүний аюулгүй байдлын талаар мэдээлэл солилцов. Ажлын хэсгийн хуралдааныг УБЕГ-ын Мэдээллийн сан, программ хангамжийн хэлтсийн дарга П.Нэргүй ахалж, уг хуралдаанаар сонгуулийн санал авах өдөр 18 насанд хүрэх иргэдийн мэдээлэл, мөн ижил нэртэй /эцэг/эх-ийн болон өөрийн нэр/ иргэдийн мэдээллийг нэгжийн компьютерт суулгасан мэдээллийн санг Тагнуулын ерөнхий газарт архивлуулах, мэдээллийн сангийн үнэн зөв, бүрэн орсон эсэхийг шалгах ажлыг холбогдох газруудын төлөөлөлтэй хамтран, ил тод, нээлттэй харуулах зорилготой гэдгийг онцолж байв.
Өнөөдрийн байдлаар 2 сая 140 мянга гаруй сонгогч бүртгэлтэй байгаа ба улсын бүртгэлийн байгууллагаас сонгогчдын нэрийн жагсаалтыг орон нутаг дахь хэсгийн хороодод хүргүүлээд байгаа юм байна
