Нийслэлийн Засаг даргаас Нийслэлийн нутгийн захиргааны байгууллага, дүүргийн харъяа хэлтэс албад, хороод “Дэм дэмэндээ” аяныг зохион байгуулж, айл өрхүүдэд хүнсний тусламж үзүүлэх ажлыг яаралтай зохион байгуулах чиглэл өгсний дагуу дараах арга хэмжээг авч ажиллалаа.
Тус газраас хамтран ажилладаг байгууллагын дэмжлэгээр албан хаагчийн ар гэрийн нөхцөл байдлыг харгалзан 2021 оны 1 дүгээр сарын 08-ны өдөр 30 албан хаагчид хүнсний тусламж үзүүлэн ажилласан.
Мөн дүүргүүд дэх улсын бүртгэлийн хэлтсүүдэд аяны хүрээнд ажил зохион байгуулах үүрэг чиглэл хүргүүлэн ажиллаж дараах арга хэмжээг авч ажилласан. Үүнд:
- Багануур дүүрэг дэх улсын бүртгэлийн хэлтсээс албан хаагчдын нэг өдрийн цалин 200,000 төгрөгийг дүүргийн онцгой комисст хандивласан. Дүүргийн зорилтот бүлгийн 28 иргэнд 1 удаагийн хүнсний тусламж, халдвар хамгааллаас сэргийлэх хэрэгслүүдийг тараасан. Мөн 13 албан хаагчдад халдвараас урьдчилан сэргийлэх, дархлааг дэмжих зорилгоор 4 удаагийн нийт 428700 төгрөгийн дэмжлэг үзүүлсэн.
- Баянгол дүүрэг дэх улсын бүртгэлийн хэлтсээс 23 албан хаагчийг витаминжуулалтын багцаар ханган ажилласан байна.
- Баянзүрх дүүрэг дэх улсын бүртгэлийн хэлтсээс 10 албан хаагчид хүнсний тусламж, дүүргийн онцгой комисстой хамтран 5 өрхөд хүнсний багцын тусламж үзүүлсэн.
- Сонгинохайрхан дүүрэг дэх улсын бүртгэлийн хэлтсээс “Дэм дэмэндээ” аяны хүрээнд тус хэлтсийн 43 хорооны 4 бүсийн улсын бүртгэгч нар 1 дүгээр сарын 6,7-ны өдрүүдэд амьжиргааны түвшин доогуур, бага орлоготой 4 өрхөд хувцас, хүнсний тусламж үзүүлсэн. Мөн хэлтэс дээр ажиллаж байгаа албан хаагчдад иргэн, эд хөрөнгийн эрхийн бүртгэлийн тасаг болон Драгон, Баянхошуу нэгдсэн төвүүдийн албан хаагчид ээлжээр өдрийн хоолоор ханган ажиллаж байна.
- Сүхбаатар дүүрэг дэх улсын бүртгэлийн хэлтсээс 12 албан хаагчид хүнсний тусламж, 48 албан хаагчид 50,000 төгрөгийн хүнсний бүтээгдэхүүн худалдан авах ваучер олгосон.
- Хан-Уул дүүрэг дэх улсын бүртгэлийн хэлтсээс дүүргийн 20 албан хаагч, 48 айл өрхөд хүнсний тусламжийн багц хүргүүлэн ажилласан.
- Чингэлтэй дүүрэг дэх улсын бүртгэлийн хэлтсээс дүүргийн Гэр бүл, хүүхэд залуучуудын хөгжлийн газрын харьяа “Хүүхэд хамгаалах байр”-нд байрлаж буй хүүхдүүдэд болон хамтран ажилладаг 8 дугаар хорооны нийт 40 хүүхдэд 600.000 төгрөгний хүнсний дэмжлэг үзүүлж бэлэг гардууллаа. Мөн 40 албан хаагчдад 3.000.000 төгрөгний үнэ бүхий дархлаа дэмжих бүтээгдэхүүнээр тус тус ханган ажилласан байна.
Нийслэл дэх улсын бүртгэлийн газрын хэмжээнд “Дэм дэмэндээ” аяны хүрээнд тайлангийн хугацаанд амьжиргааны түвшин доогуур, бага орлоготой 125 өрхөд хүнсний багц, 166 албан хаагчид хүнсний болон амин дэмийн багцыг тус тус хүргүүлэн ажилласан байна.
