“Хууль зүй, дотоод хэргийн сайдын 2021 оны 02 дугаар сарын 25-ны өдрийн хуралдаанаас өгсөн үүрэг, даалгавар”-ын хэрэгжилтийг хангах зорилгоор Газрын даргын баталсан “Ажлын хэсгийн байнгын удирдамж”-ийн дагуу ажлын хэсэг буюу харилцагчийн үйлчилгээний хэлтсийн дарга, ахлах мэргэжилтэн, мэргэжилтэн, олон нийттэй харилцах ажилтан нарын бүрэлдэхүүнтэйгээр хуваарийн дагуу жилийн хугацаанд 7 хоног бүрийн Мягмар гараг бүрт Баянгол, Баянзүрх, Хан-уул, Багануур, Багахангай, Сүхбаатар, Чингэлтэй, Налайх дүүрэг дэх Улсын бүртгэлийн хэлтсийн нийт 128 хороод дахь улсын бүртгэгчийн ажлын байрны үйл ажиллагаатай газар дээр нь танилцаж, харилцагчийн үйлчилгээний чиглэлээр мэргэжил арга зүйн зөвлөгөө өгөхөөс гадна дээрх хороодын Засаг дарга нарт улсын бүртгэлийн эрх зүйн орчин ба байгууллагын үйлчилгээний стандартын тухай мэдээлэл өгч, улсын бүртгэгчийн ажлын байрны нөхцөл байдал болон сүлжээний аюулгүй байдлыг хэрхэн сайжруулах талаар санал солилцов. Мөн харилцагчид нэг удаагийн явалтаар иж бүрэн үйлчилгээ авах боломжийг бүрдүүлэх, пос машинтай болгох шаардлагатай байгаа талаар санал тавив. Дээрх хороод дахь улсын бүртгэгчийн “Үйлчилгээний стандарт”-ын хэрэгжилтийг “Дүгнэх хуудас”-аар дүгнэж ажиллаа.
