Баянзүрх дүүргийн Төр захиргааны II байрнаас Улсын бүртгэлийн үйлчилгээг авах боломжтой боллоо

A- A A+
Баянзүрх дүүргийн Төр захиргааны II байрнаас Улсын бүртгэлийн үйлчилгээг авах боломжтой боллоо

Баянзүрх дүүргийн Төр захиргааны II байранд Улсын бүртгэлтэй холбоотой бүх төрлийн үйлчилгээг үзүүлж эхэллээ.

Баянзүрх дүүргийн хувьд хүн ам ихтэй, ачаалал өндөр байдаг дүүргүүдийн нэг бөгөөд иргэдийн зүгээс газрын алба болон улсын бүртгэлийн хэлтсээс авах үйлчилгээ зонхилдог байна.  

Тэгвэл коронавируст халдвараас урьдчилан сэргийлэх, төрийн үйлчилгээний чанар хүртээмжийг нэмэгдүүлэх зорилгоор Баянзүрх дүүргийн Төр захиргааны II байранд Улсын бүртгэлтэй холбоотой үйлчилгээг энэ оны 2 дугаар сараас эхлэн үзүүлж эхлээд байна. Иргэдэд үйлчлэх нийт долоон цонх ажиллаж байгаа бөгөөд цаг хугацааг хэмнэх, төрийн үйлчилгээг хурдан шуурхай хүргэх үүднээс гэрэгэ киоск машиныг байрлуулж өгсөн нь үйлчилгээ авч буй иргэд заавал банк орох шаардлагагүй болсон байна.

Баянзүрх дүүргийн Төр захиргааны II байр нь Үндэсний батлан хамгаалахын их сургуулийн эсрэг талд байрладаг бөгөөд энд Зүүн бүсийн нийт 12 хорооны иргэд үйлчлүүлж байна.

Иргэдийн хувьд заавал дүүрэг орох шаардлагагүйгээр өөрт ойр байрлах Улсын бүртгэлийн хэлтэс, нэгжүүдээс бүртгэлтэй холбоотой үйлчилгээг авах бүрэн боломжтой.